وے  تُو  نہیں  آیا  تیڈی  یاد  آ  کے  تیڈا  وعدہ   یار   وفا  کر  گئی
میکوں  تانگ   رہی   پل   پل   تیڈی  بے  چینی  چین  تباہ  کر  گئی
بوھا  کہیں   واری   جے    ہلیا   اے  میں  سمجھیا  اثر  دعا  کر  گئی
جدوں  کھولیا  کُجھ  وی  نہیں  عاجزؔ  میڈے نال  مذاق  ہوا  کر  گئی

نہ     تُو    بے وفا   سیں  نہ  میں   بے وفا
لیکاں    دے    ہتھوں    اَسی    ہوئے   جُدا

چنگا  ہوندا  لوکاں دی یاں گلاں  تے  نہ  لگدے
ہسدیاں   اَکھاں  وِچوں  اَنجوں  تے  نہ  وَگدے
ہویا   کی    قصور   جِدی  ملی  اے  سزا  اے

گذرے    زمانے    یاد  کر  کر    روندا   آں
اَجے  تیک  تیڈیاں  میں  راواں  وچ  کھلوندا  آں
ھاسے   لے  گئی   نال   چلی     اے جئی  ہوا

تیرے  میرے  پیار  دی   پہچان  اے  بہار  سی
موجاں  اَسی   ماندے  ساں  دِلاں  وچ  قرار سی
سارا    جگ   خوش   وسے   میرے      سوا