Song no:

588

Volume no:

Stage Show

Poet Name:

Miscellaneous

Song Name:

Koi Hatiyaan Tay Kand Ahsi (Mahiye)

Company:

Purani Yadain

گیت نمبر:588                   گیت:کوئی وے ہٹھیاں تے کنڈ آسی(ماہیے)
شاعر:متفرق                     کمپنی:پرانی یادیں   والیم:سٹیچ شو
کوئی  وے   ہٹھیاں   تے  کنڈ  آسی
تیڈے    وچھوڑے    دی  میڈی  قبر   اچوں   ڈنڈ    آسی

کوئی  وے  کوٹھے   کوں  لا  پوہڑی
آکھی    میڈے   سجنڑاں  کوں  اکھی   نیند   ونجا  چھوڑی

کوئی  وے   پانی   وے  تر   ویساں
دُکھاں   نال   نہ   مردا   ڈھولے   سٹیا   تاں  مر   ویساں

اِل     پانی      وے    پیتا    ای
سچی    دسیں    بے   دردا  کدی   یاد   وی   کیتا    ای

کوئی  وے  گڈی    دیاں  دو  لینڑاں
جتھے    ماہی   یاد  آوے  اُتھے  بھاہ   کے  وے  رو   لینا

چن    چڑھیا    تاں   عید   ہوسی
دکھاں   وچ  پھس گے  آں  کدوں  سکھ وے  نصیب  ہوسی

اساں    رج     رج     پیندے   آں
قسم     چوا گھن    وے    تیڈی  آس  تے  جیندے   آں

کوئی   وے  تسبی  دے  سو  دانڑیں
عمر   دراز    ہووی    رُسا   وتا  ہے   تاں   او   جانڑیں

کوئی    سڑکی    تے    آیاں   کاراں
غیراں  کولوں  ونج  باہنداں  ایں  نالے  آہدا  ہیں  وفادار  آں

کوئی   وے   چھلیاں  دی  پا جوڑی
نت    نت   ظلماں   دی    ڈھولے   رسم    بنڑا  چھوڑی

سوہنڑیں   مندری   لا   ہا  چھوڑی
چنگیاں   وی   نبھیاں   دی   ڈھولے  سانگ  مُکا   چھوڑی

کوئی    بازار   نہ   لونڑ   ہوندے
اجڑ  کے    لائی    ہوندی  آ   تیکوں  قدر معلوم  ہوندے