Song no:

580

Volume no:

1

Poet Name:

Afzal Ajjiz

Song Name:

Kash Main Pardesi Na Honda

Company:

Eagle

گیت نمبر:580         گیت:کاش میں پردیسی نہ ہوندا
شاعر:افضل عاجزؔ       کمپنی:ایگل            البم:1
کاش  میں    پردیسی  نہ   ہوندا
تیڈے   نال   منیدا   عیداں   تے  شبراتاں  تے  سکھ  دیاں  راتاں
کاش  میں    پردیسی  نہ   ہوندا

کاش  میں عیسیٰ  خیل جے  ہوندا
تیکوں  روز  پھریندا  سندھ  دریا  دیاں بھنڑیاں تے پھلاں دیاں بھریاں
کاش  میں عیسیٰ  خیل جے  ہوندا

کاش میں تیڈی مندری  جے  ہوندا
تیڈی   چیچی    دے  وچ  رہندا  شام  سویرے  تے  نہیڑے  تیرے
کاش میں تیڈی مندری  جے  ہوندا

کاش   میں  تیڈا  جُوڑا جے ہوندا
تیڈے   والاں    دے    وچ   بنٹریا   بنٹریا  رہندا  ہولارے  کھاندا
کاش   میں  تیڈا  جُوڑا جے ہوندا

کاش میں تیڈے شہر  جے   ہوندا
تیکوں  رکھدا  اکھیاں  دے  نیڑے  نیڑے  نیڑے  تے  دل  دے  ویڑے
کاش میں تیڈے شہر  جے   ہوندا

کاش  توں  میڈے کول جے ہوندی
تیڈے  سر  دے  وال   چھڑیندا   کنگیاں  دیندا  تے  سیند  کنڈیندا
کاش  توں  میڈے کول جے ہوندی

کاش  وے   اے غریبی نہ  ہوندی
نہ    ویندا     میں    پردیساں  بیگانے   دیساں  تے   گانے  دیساں
کاش  میں    پردیسی  نہ   ہوندا
تیڈے   نال   منیدا   عیداں   تے  شبراتاں  تے  سکھ  دیاں  راتاں
کاش  میں    پردیسی  نہ   ہوندا