Song no:

575

Volume no:

2

Poet Name:

Majboor Esa Khelvi

Song Name:

Sohniyaan Chan Tay Sitaraan Koloon

Company:

Soni

گیت نمبر:575               گیت:سوہنڑیاں وے چن تے ستاراں کولوں
شاعر:مجبور عیسیٰ خیلویؔ       کمپنی:سونک                والیم:2
سوہنڑیاں   وے  چن   تے  ستاراں    کولوں   سوہنڑیاں
سوہنڑیاں دلاں کولوں سوہنڑیاں تے ستاراں کولوں  سوہنڑیاں

ریشمی   رومال   وے  توں  مونڈے  اتھے رکھدا  کڈ  لیندا دلاں کوں  اشارہ  تیری  اکھ  دا
سوہنڑیاں  ہک  ہک  نین  تلواراں  کولوں  سوہنڑیاں
سوہنڑیاں وے چن تے ستاراں کولوں سوہنڑیاں

ریشمی   رومال   تیڈے    ہتھاں وچ  جھلدا  رب جانٹریں  عاشقاں  دی   وٹ کڈی   جھلدا
سوہنڑیاں  بانہہ  دا ہولارا  اشاراں  کولوں  سوہنڑیاں
سوہنڑیاں وے چن تے ستاراں کولوں سوہنڑیاں

تیڈی  کالی  لوئی  تے  کناراں   اُتھے پٹ وے  بڑا  چنگا  لگے   تیڈے  متھے  اُتھے  وٹ   وے
سوہنڑیاں روپ  تیڈا  کابلی   اناراں  کولوں   سوہنڑیاں
سوہنڑیاں وے چن تے ستاراں کولوں سوہنڑیاں 

کلی  اُتھے  ٹنگاں  میں دوپٹہ  بجھ  بجھ کہ  تکناں  اے  دلاں دے  دُلارے کوں  میں رج  کے
سوہنڑیاں  وادی  کشمیر  دے  نظاراں  کولوں  سوہنڑیاں
سوہنڑیاں وے چن تے ستاراں کولوں سوہنڑیاں

پچھے  پچھے  چوڑیاں  تے  اگے    اگے  گجرے  تیڈے  رنگ  وکھرے  تے  تیڈے  انگ  وکھرے
سوہنڑیاں  دنیا  دے  سارے  دلاراں کولوں  سوہنڑیاں
سوہنڑیاں وے چن تے ستاراں کولوں سوہنڑیاں

چن  تے  ستارے  پاندے   جھک   جھک  جاتیاں  تیڈی  اک  دید  لئی  جاگدے  او  راتی  یاں
سوہنڑیاں  جگ  دے  تمامی  شاہکاراں  کولوں  سوہنڑیاں
سوہنڑیاں وے چن تے ستاراں کولوں سوہنڑیاں

تیڈے  باہجوں  دنیا  اُجاڑ تے    ویران    اے    تیڈے    نال سوہنڑاں سوہنڑاں لگدا جہان  اے
سوہنڑیاں  باغاں  گلزاراں  تے  نکاراں  کولوں  سوہنڑیاں
سوہنڑیاں وے چن تے ستاراں کولوں سوہنڑیاں

موتیے  دے  پُھل  ٹنگاں  ماہی  تیڈی   پھگ  تے   لبھے   مجبورؔ  نہ   مثال  تیڈی جگ  تے
سوہنڑیاں  شاعراں  فنکاراں  موسیکاراں  کولوں سوہنڑیاں
سوہنڑیاں وے چن تے ستاراں کولوں سوہنڑیاں