Song no:

552

Volume no:

17

Poet Name:

Mazhar Qalandri

Song Name:

Ashaan Mast Shahrabi Lohkan Tay

Company:

Sonic

گیت نمبر:552           گیت:اساں مست شرابی لوکاں تے اعتبار
شاعر:مظہر قلندرانیؔ        کمپنی:سونک             والیم:17
اَساں   مست     شرابی     لوکاں   تے  اعتبار  نہ  کر بدنام   ہوسیں
اَساں    مفلس   تے   آوارہ   ہاں  ساکوں   پیار  نہ کر  بدنام  ہوسیں

جدوں  تھوڑی  جئی  پی  لیندے ہاں سانوں اپنڑاں ہوش  وی  نہیں  ہوندا
کوئی   جتنا   ظلم کرئے بھاویں سانوں  کیں  تے دوش  وی  نہیں  ہوندا
ساڈے  ازلاں  توں   سر  نیویں    ہِن  توں  وار  نہ  کر بدنام  ہوسیں

اے  گالیں   پیار  محبت   دیاں   سب   جھوٹ  فریب  تے  دھوکا  ہِن
اے  قصے  سسی  تے  سوہنی  دے  بے  مقصد   تے  بے   موقع    ہِن
جہیڑے   خواب  سمائے  نی  اکھیاں  وچ   بیدار  نہ  کر  بدنام  ہوسیں

ایتھاں  خون  دے  رشتے  وِک  ویندن  ایتھاں  پیار  ضرورت  بنٹر   ویندن
مجبوری  ویکھ  کے   بندے   وی  بھگوان   دی   مورت    بنٹر  ویندن
توں  اپنڑیں  آپ   توں  جند   جیوی   لاچار   نہ  کر  بدنام   ہوسیں

اَساں  ہاں  منہ  زور ہوا  وانگوں   توں  خوشبو  ہیں  اے  بُھل  ویسوں
ساڈا   جوگی   والا  پھیرا  ہے  تیکوں رول   ڈیسوں  خود  رُل   ویسوں
ساڈا   اَج   دی   رات   ٹھکانا   اے   اصرار   نہ  کر  بدنام   ہوسیں