Song no:

549

Volume no:

17

Poet Name:

Tanveer Shahid M Zahi

Song Name:

Wah Wah Girayaan Changyaan Tain

Company:

Sonic

گیت نمبر:549                 گیت:واہ واہ گرائیاں چنگیاں تیں لائیاں
شاعر:تنویر شاہد محمد زئیؔ        کمپنی:سونک             والیم:17
واہ   واہ   گرائیاں    چنگیاں    تیں    لائیاں   خوشیاں   دے   بدلے  دتتیاں  جدائیاں

بنٹریو     نہ      میرا     غم     خار     ماہی    منٹھار   مٹھرا    دلدار   ماہی
بُھلسی    نہ    میکوں    تیڈا    پیار   ماہی،   تیں   نال  کیندے   سنگتاں  ودہیاں
واہ   واہ   گرائیاں    چنگیاں    تیں    لائیاں    خوشیاں  دے  بدلے  دتتیاں   جدائیاں

لوکاں  دے  دل  تاں  خوشیاں  توں  ٹھردے  آ  دیکھ   منظر  میڈے  اُجڑے  گھر  دے
ہن  تحفے  سارے  تیڈے   ہجر   دے،   سر  وچ   ہے  چاندی  چہرے   تے چھائیاں
واہ   واہ   گرائیاں    چنگیاں    تیں    لائیاں   خوشیاں   دے  بدلے  دتتیاں  جدائیاں

ساونٹر  دا   موسم   سانول   شریہنہ دی  دیگر  دا   ویلا   ہئی   پھور  مینہ   دی
نت  یاد  آوے  ڈھولا  اوں ڈینھ  دی، ہتھ  پا کے  ہتھ  وچ  ڈوھاں  قسماں  چائیاں
واہ   واہ   گرائیاں    چنگیاں    تیں    لائیاں   خوشیاں  دے  بدلے  دتتیاں   جدائیاں

تیڈے    ناویں    لگیاں    تنویرؔ   سوہنڑاں   دل   وچ   ہے  تیڈی  تصویر  سوہنڑاں
تیڈے  ہونداں  تیواں  دل  گیر  سوہنڑاں  نہیں  گل  مناسب  میڈے  سر  دے  سائیاں
واہ   واہ   گرائیاں  چنگیاں   تیں   لائیاں   خوشیاں   دے   بدلے   دتتیاں   جدائیاں