Song no:

533

Volume no:

15

Poet Name:

Sona Khan Bewas

Song Name:

Bar Gay Hina Tay Wal Wal K Naa

Company:

Sonic

گیت نمبر:533              گیت:برگ حنا تے ول ول کے ناں سوہنڑیں ڈھول
شاعر:سونا خان بیوسؔ         کمپنی:سونک                     والیم:15
برگ  حنا  تے  ول  ول  کے  ناں  سوہنٹریں   ڈھول   دا لکھدی  رہئی
پیار  کرن  دیاں   رسماں   ریتاں   جگ   توں   چوری  سکھدی  رہئی

آس  دے  سوہنٹریں  محل   بنڑایم   دل  کملے  کوں   جوڑے    لایئم
صدق  خلوص  دے  جذبے  گھن  کے  میں  نوکر  ہر  اک   دی  رہئی
برگ  حنا  تے  ول  ول  کے  ناں  سوہنٹریں   ڈھول   دا لکھدی  رہئی

چن  دی  چودہویں رات  نہ  ڈیٹیم  خوشیاں  دی  بارات   نہ  ڈیٹیم
سگن    سہاگ    تے    رنگلی   مہندی   لاونڑ  کیتے   سکدی  رہئی
برگ  حنا  تے  ول  ول  کے  ناں  سوہنٹریں   ڈھول   دا لکھدی  رہئی

ازل  توں  کملی  بھولی  ہم  میں جگ دی  ریت  توں  واقف  نم  میں
بخت   لٹا   کے    تخت    لٹا   کوڈیاں   دے    با   وکدی   رہئی
برگ  حنا  تے  ول  ول  کے  ناں  سوہنٹریں   ڈھول   دا لکھدی  رہئی

پیار  اچ  کہی   بیچاریاں   رُلیاں   بیوس    سوہنڑیاں   ساریاں   رُلیاں
پیار  دے   وچ   تفریق   ہمیشہ  ہر   جاہ  اُچ   تے  چکدی   رہئی
برگ  حنا  تے  ول  ول  کے  ناں  سوہنٹریں   ڈھول   دا لکھدی  رہئی