Song no:

532

Volume no:

15

Poet Name:

Farooq Rokhri

Song Name:

Pyar Dee Shahrab Ashaan Pyar Naal

Company:

Sonic

گیت نمبر:532           گیت:پیار دی شراب اساں پیار نال پیتی اے
شاعر:فاروق روکھڑیؔ        کمپنی:سونک                والیم:15
پیار  دی   شراب   اساں   پیار   نال  پیتی  اے      چن   توں  وی  سوہنڑیں دلدار  نال  پیتی  اے

ہتھ  وی  نہ  کمبے اج  اکھ  وی  نہ ڈولی  اے       چن  دی  اے  چانڑی   شراب   اچ  گولی   اے
اج   اساں    اوپرے   خمار   نال   پیتی   اے       چن  توں  وی  سوہنڑیں  دلدار  نال  پیتی  اے

لٹے    پُھٹے    موسماں  دا  کیتا   احترام   وے       پت   جھڑ   نال   وی   دعا  تے  سلام  وے
آئی    اے   بہار  تے    بہار   نال   پیتی   اے       چن  توں  وی  سوہنڑیں  دلدار  نال  پیتی  اے

گھول  گھول  پیتے  جاہ  نظارے  اج  شام  دے        بُلھیاں   دا  رس  وی  نچوڑا   وچ  جام   دے
اکھاں  وچ  اکھاں  پا  کے  یار   نال   پیتی  اے        چن  توں  وی سوہنڑیں  دلدا ر  نال  پیتی  اے

خوشیاں  دا   تھیندا  نہیں  اج  تے  شمار وے        ڈوہیں  اسیں  ساقی  آں  تے ڈوہیں  میخار  وے
اج    اساں   کنے   اعتبار  نال    پیتی    اے         چن  توں  وی  سوہنڑیں  دلدار  نال  پیتی  اے