Song no:

501

Volume no:

108

Poet Name:

Muhamaad Mehmood Ahmed

Song Name:

Sazaan Koon Naz Baksham Tehkoo

Company:

Heera

گیت نمبر:501                گیت:سازاں کوں ناز بخشم تیکوں
شاعر:محمد محمود احمدؔ        کمپنی:ہیرا           والیم:108
سازاں  کوں    ناز   بخشم  تیکوں   ڈھال  ڈھال  سانول      میڈے  گیت  توں  وی  گاسیں  میڈے  نال  نال  سانول

دیوانہ   وار   پھر   کے   جاہ   جاہ   تیکوں   لھبینداں       غیراں    تے   دوستاں   دے   الزام   سر  تے  چینداں
توں  وی  راہ  میڈے  تکیسی   ڈیوے  بال   بال   سانول       میڈے  گیت  توں  وی  گاسیں  میڈے  نال  نال  سانول

تسلیم     کردا     میکوں     فنکار       تیں    بنڑایا        تیکوں     وی   سوہنڑیاں   دا   سردار   میں   بنڑایا
تیڈا     ناں   بلند  کیتم    تن   گھال   گھال  سانول        میڈے  گیت  توں  وی  گاسیں  میڈے  نال  نال  سانول

جس  وقت  تیڈے  سر   تے  غربت   سی   شام   آسی        تاں   تیکوں   علم  تھیسی   ہے  کہیڑی   شہ  اداسی
میڈے  وانگ  زرد    تیسن    لب    لال   لال  سانول        میڈے  گیت  توں  وی  گاسیں  میڈے  نال  نال  سانول

بیشک   بدن   جدا   ہن  روع   تاں   جدا  نہ  تیسی        میڈے   صبر دے   اجر  وچ  تیڈا  پیار  میکوں  تھیسی
محمودؔ  خوش  میں  تھینداں  دکھ    پال   پال  سانول        میڈے  گیت  توں  وی  گاسیں  میڈے  نال  نال  سانول