گیت نمبر:479        گیت:کوئی مجھ سے پوچھے کے تم میرے
شاعر:                کمپنی:این ایم سی         والیم:165
یہ معجزہ  تجھے  پھر  لوگ  کم  دکھائیں گے      تیرے بغیر تجھے جی کے  ہم  دکھائیں  گے
اور  تمھاری  سمت سے قصہ  تمام  ہے  لیکن      اب اسکے  بعد کا سب  کام ہم دکھائیں گے
زلف  لہرائی  تیری  اور  میری    تقدیر   بنی      کوئی  دیکھے تو یہ کیا پیار کی تصویر  بنی
جب  کبھی  بڑھنے  لگے  شام  کے  ٹھنڈے سائے     تیرے  دہکے   ہوئے  رخسار  وہاں  کام  آئے
گردش دہر نے جب جب بھی اُچھالا مجھ کو     تیری  مخمور  نگاہوں نے  سنبھالا مجھ کو

کوئی  مُجھ  سے  پوچھے کہ تُم میرے کیا ہو     میرے  پیار  کی   اِک   حسین  التجا   ہو

میرے  دِل نے سجدے میں  گِر کے جو  مانگی     محبت   کی    وہ   پہلی   پہلی  دعا  ہو
کوئی  مُجھ سے پوچھے کہ  تُم میرے کیا ہو     وفا    جِس  نے  لوٹی  وہی  بے  وفا   ہو

میری    زندگانی   اگر   اِک     چمن    ہے     تو   پھر  جانِ  من  تم  ہی  باد  صبا  ہو
کوئی مُجھ سے  پوچھے کہ  تُم میرے کیا  ہو    وفا    جِس   نے  لوٹی  وہی  بے  وفا   ہو

میری خاموش سی  دُنیا   ہے  کیوں  آج  خلل    میں نے  دیکھا  ہے کہیں ٹوٹا  ہوا  تاج  محل
یہ ہوا یوں بھی چلے گی مُجھے  معلوم  نہ تھا     زلف  ناگن بھی  بننے  گی مجھے معلوم نہ تھا
تیرے  رُخساروں  پہ  گرمی  کا کوئی نام  نہیں     تیری  آنکھوں  میں  وفا کا  کوئی پیغام  نہیں
کوئی  مُجھ سے  پوچھے کہ  تُم میرے کیا ہو     وفا   جِس  نے  لوٹی   وہی  بے  وفا   ہو

نہ  چھیڑا  گیا   جِس  پہ  نغمہ   وفا   کا      اُسی  ساز  کی  ایک   تُم  بھی   صدا   ہو
جو    دیتا  ہے  آنکھوں  کو  رنگین   دھوکا     وہی   خوب  صورت  سا  جھوٹا  نشہ  ہو
کبھی  اپنے  دِل  سے  تو  یہ   پوچھ  دیکھو     میرے    ہو    یا  تُم  غیر  کا  آسرا   ہو
کوئی  مُجھ سے پوچھے کہ  تُم میرے کیا ہو      وفا   جِس  نے  لوٹی   وہی  بے  وفا   ہو