Song no:

476

Volume no:

28

Poet Name:

Farooq Rokhri

Song Name:

Sada Ki Eh Duniyeah Day Naal

Company:

Rehmat Gramophone House

گیت نمبر:476             گیت:ساڈا کی اے دنیا دے نال سوہنڑیاں دی
شاعر:فاروق روکھڑیؔ          کمپنی:رحمت گراموفون         والیم:28
ساڈا  کی  اے   دنیا  دے  نال  سوہنڑیاں  دی خیر منگدے
دُکھاں دی اے ہوندی نئیں دِھیوال سوہنڑیاں دی خیر منگدے

رب   نے   بنڑائے   ہِن    چن   جئے   مکھڑے         ہک  واری  تکیاں  دے  مِٹ  جانٹر  دُکھڑے
تھم      جاندے        دلاں      دے     اُبال         سوہنڑیاں      دی        خیر     منگدے

اے  تاں  انہاں  سوہنٹریاں دے معجزے پُرانڑے ہِن        اِیناں   دیاں   اکھاں   تے  فدا میخانے   ہِن
سپ     بنٹر      جاندے          کالے     وال        سوہنڑیاں      دی        خیر     منگدے

گُھنڈ  ذر ا  چُکدے  تے  چن  ڈُھب  جاندے   نی        لب  ذرا  کھولدے  تے   موتی  وَرساندے  نی
اپنڑی          نیں             آپ       مثال        سوہنڑیاں      دی        خیر     منگدے

وَال  جدوں  کھولدے   ہنیرے    سِر   مار   دے        لمبے  پینڈاں  والے  پئے   صدقے   اُتار   دے
کہیڑے    کہیڑے       دساں     میں     کمال        سوہنڑیاں      دی        خیر     منگدے

کردا  پنگھارا   جدوں  کھاکھاں   نال  چھیڑ   وے        ڈُل  ڈُل  جاندی  اے  پُھلاں توں  تریڑ  وے
سوفی      کڈھ       ڈیندے     نیں     رومال        سوہنڑیاں      دی        خیر     منگدے

نیناں  وچ  پاندے   جدوں  کجلے  دی  دھار  وے        دل  کرئے  تن  من  دیواں  اُتوں  وار   وے
عقلاں     دے       ٹٹ       جاندے      ڈال        سوہنڑیاں      دی        خیر     منگدے

گھڑاں  نوں  ٹکا  کے  جدوں  ٹردے  او  ٹور  وے         تھم  تھم جاندے دریاواں دے  وی شور  وے
ماچھی      ڈک       لیندے       ہِن    جال        سوہنڑیاں      دی        خیر     منگدے

دَنداں   ہیٹھ   جدوں   اے   چُنری  دباندے   نی        وڈے  متقیاں  دے وی  دل  ڈُل  جاندے  نی
راگی        بُھل             جاندے       سُرتال        سوہنڑیاں      دی        خیر     منگدے

سوہنٹریاں  دی  گل  وچ  ایڈی   بڑی  چَس   وے        ہک  میڈی  گل  نئیں  زمانہ  بے وس  وے
نکے      وڈے        پاندے      نی       دھمال        سوہنڑیاں      دی        خیر     منگدے

ایتھے   گل    مکدی    اے    یار   فاروق   وے        عاشقاں دے  نال  خوش  رہن معشوق  وے
حُسن      تے        آوے        نہ      زوال       سوہنڑیاں      دی         خیر     منگدے