گیت نمبر:458                 گیت:ادھر زندگی کا جنازہ اٹھے گا
شاعر:تابش دہلوی (متفرق)        کمپنی:مووی بکس/لوک ورثا   والیم:1(سی ڈی 1)
ہم  تو  تنکے  چن  رہے   تھے   آشیانے کیلئے        آپ کو کس نے کہا بجلی گرانے کیلئے
ہاتھ تھک جائیں گے کیوں پیس رہے ہو مہندی        خون حاضر ہے ہتھیلی پہ لگانے کیلئے

عشق   کو  درد سر کہنے والوں سن     کچھ بھی ہو ہم نے یہ درد سر لے لیا
وہ نگاہوں سے بچ کر کہاں جائیں گے     اب تو انکے  محلے  می   گھر   لے   لیا
آئے بن ٹھن کے شہر خاموشاں میں وہ     قبر   دیکھی  جو میری  تو  کہنے   لگے
ارے آج اتنی  تو  اس کی ترقی  ہوئی    ایک بے گھر  نے  اچھا سا  گھر لے  لیا

اِدھر زندگی کا جنازہ اُٹھے گا اُدھر زِندگی اُن کی  دلہن  بنے گی
قیامت  سے پہلے قیامت ہے یارو میرے سامنے میری دنیا لٹے گی

جوانی  پہ  میری  ستم   ڈھانے  والوں   ذرا  سوچ   لو کیا کہے گا  زمانہ
اِدھر میرے اَرمان کفن  پہن لیں  گے  اُدھر اُن کے ہاتھوں پہ مہندی  لگے  گی

اَزل سے محبت کی دشمن ہے  دُنیا  کہیں دو  دلوں کو ملنے نہ    دے   گی
اِدھر میرے دل  پر خنجر چلے گا  اُدھر اُن کے  ماتھے  پہ بندیاں  سجے  گی

میری موت پریوں کے جھرمٹ میں ہو گی جنازہ حسینوں کے کاندھے پہ ہو گا
کفن  میرا  ہو گا  انہی کا  دوپٹہ  بڑی  دھوم  سے  میری  میت  اُٹھے  گی
اِدھر    زندگی  کا   جنازہ   اُٹھے  گا  اُدھر زِندگی  اُن کی  دلہن    بنے  گی