Song no:

435

Volume no:

126

Poet Name:

Nazir Yaad

Song Name:

Dil Badshah Jo Hua Sadi

Company:

NMC

گیت نمبر:435          گیت:دل بادشاہ جو ہویا ساڈی
شاعر:نذیر یادؔ           کمپنی:این ایم سی     والیم:126
دل   بادشاہ   جو   ہویا   ساڈی   کتھے   منیدا  اِے      بارش  دے موسماں وچ  ریتاں دے گھر بنٹریندا  اِے

دل  ڈینھ  کوں  رات  آکھے  وت  وی  منیدے رہے آں       ڈتیاں ہس جیویں صلاحیں اسے رِت کریندے رہے آں
ہاساں  دے  مْل  اساں کوں  جھا  جھا  ودا  وچیندا اِے      بارش دے  موسماں وچ  ریتاں  دے گھر بنٹریندا  اِے
دل   بادشاہ   جو   ہویا   ساڈی   کتھے   منیدا  اِے

گْھٹ  کوڑے  زندگی  دے  ہس  ہس کے  پیندے پئے آں      اِے تاں ساڈے حوصلے ہن سر چا کے جیندے پئے آں
نہیں تاں وس توں باہر ہوندن جہیڑے روگ اے پلیندا  اِے     بارش  دے موسماں  وچ  ریتاں دے گھر بنٹریندا  اِے
دل   بادشاہ   جو   ہویا   ساڈی   کتھے   منیدا  اِے

کے    تائیں     محبتاں  وچ   نواں  نت  فریب کھاسی      جہیڑے   شوق پالی  پھردا اِیں آخر ڈنگی کے راہسی 
سپاں کوں وفا دے ناں تے ہتھاں نال  دودھ  پلینداں  اِے      بارش دے موسماں وچ  ریتاں  دے گھر بنٹریندا  اِے
دل   بادشاہ   جو   ہویا   ساڈی   کتھے   منیدا  اِے

دل  تے   دماغ    دے   وچ   مسلہ  ہے  بہوں  پْرانڑاں      دل  بھولڑا  اے ازل توں اْتوں ذہن بہوں  سیانڑاں
ذہن  اپنی  ہیر  گاندا  اے  دل  ہو کچھ سنٹریندا   اِے      بارش دے موسماں وچ  ریتاں دے گھر بنٹریندا  اِے
دل   بادشاہ   جو   ہویا   ساڈی   کتھے   منیدا  اِے

اِے  مرضیاں  دا  مالک   ساڈی   کہیڑی   مجال     اِے      جیویں  دل  نذیرؔ  آکھے  ساڈا  اْو ہا خیال  اِے
نواں   حکم    روز   جاری   ساتھے پیار دا  کریندا  اِے     بارش دے موسماں وچ  ریتاں دے گھر بنٹریندا  اِے
دل   بادشاہ   جو   ہویا   ساڈی   کتھے   منیدا  اِے