Song no:

431

Volume no:

126

Poet Name:

S M Sadiq

Song Name:

Oh Challa Cheechee Wich Gungriyaan Wala

Company:

Hi~Tech Music UK

گیت نمبر:431             گیت:او چھلا چیچی وچ گھنگریاں والا
شاعر:ایس ایم صادقؔ         کمپنی:ہائی ٹیک میوزک    والیم:126
دو نیناں نوں دو  نال  جمع  کر  کے  اساں  لوکو چار بنڑایا
بارہ  سال  تے   رانجھے   وانگوں  اُنہیں  زُلفاں  نال  کھڈایا
قسمت نے پھر اکھ چاہ  پھیری مینوں کُجھ وہ سمجھ نہ آیا
اُودھے  سوہنٹریاں  نیناں   صادقؔ میتھوں عیسیٰ  خیل  چھڑایا

او چھلا چیچی وچ گھنگریاں والا لال بلیاں دے تھلے تل کالا     اُتھوں  مکھڑے  تے  زُلفاں دی  ویل  سوہنٹریں
میرے کھولوں توں چھڑایا عیسیٰ خیل سوہنٹریں

تیرے  لئی   خاباں    وچ   محل   میں    سجائے   نے      تھاں  تھاں  تے   تیرے  لئی  بنگلے   بنائے   نے
بوہا     سونے      دا     لوایا     تیڈا   ناں  لکھوایا      چیتھی آ جا  تیرا  اکھاں  چونڑاں  تیل سوہنٹریں
میرے کھولوں توں چھڑایا عیسیٰ خیل سوہنٹریں

مینوں  وی  نہیں  پتہ  تیرا  توں وی  نہیں  سی  جاندی      میں ساں عیسیٰ خیل دا  دے  توں سی ملتان دی
ساڈا   ملیا   سنجوگ     ایویں   سڑدے   نے    لوگ      سارے ہوندے نے نصیباں دے اے کھیل سوہنٹریں
میرے کھولوں توں چھڑایا عیسیٰ خیل سوہنٹریں

نیناں    دی    لڑائی     وچ     ہو   گیا     مقدمہ      پلے    پیا     صادقاؔ    وچھوڑیاں  دا   صدمہ
ڈاڈھی  عشق   دی  کچری   سار   جگ  ساڈا   ویری      ایتھوں ہونڑی نہیں ہو کدی ساڈی بیل  سوہنٹریں
میرے کھولوں توں چھڑایا عیسیٰ خیل سوہنٹریں