Song no:

418

Volume no:

163

Poet Name:

S M Sadiq

Song Name:

Jehray Qadam Qadam Tay Rushday Ne

Company:

NMC

گیت نمبر:418             گیت:جہیڑے قدم قدم تے رُسدے نے
شاعر:ایس ایم صادقؔ         کمپنی:این ایم سی        البم:163
جہیڑے  قدم  قدم  تے  رُسدے  نے  اُوناں  نال  گذارے   نہیں  ہوندے
تُوں  دَس  تاں  کہیڑا  بندہ   اے  جنہوں  سجنٹر  پیارے  نہیں  ہوندے

کوئی     ڈُب   کے  زندگی  پا   لیندا  کوئی  اپنٹراں  آپ  گنواہ   لیندا
اِے  ندیاں   سجنٹراں   پیار   دیاں  اِیناں   دے  کنارے   نہیں  ہوندے
جہیڑے       قدم         قدم        تے          رُسدے       نے

جِناں  ککھوں  ہولا  ہوونٹراں  نہیں جِناں خون  دے اَتھروں رونٹراں  نہیں
سونہہ  رَب دی  اوناں  اکھیاں نوں  سجنڑاں  دے  نظارے  نہیں  ہوندے
جہیڑے       قدم         قدم        تے          رُسدے       نے

کوئی  موت  توں  پہلے  مر  جاوے  کوئی  جِت   کے  بازی  ہر  جاوئے
اے  سودے  نیں  سجنٹراں پیاراں  دے  اِنہاں  وچ  خسارے  نہیں  ہوندے
جہیڑے       قدم         قدم        تے          رُسدے       نے

بڑی   ہجراں  دِی   اَگ  سیکی  اِے  اِک  رات  نہ صادقؔ  ویکھی   اے
جس  رات  نوں  تیڈیاں  یاداں  دے  عرشاں  توں   تارے  نہیں  ہوندے
جہیڑے  قدم  قدم  تے  رُسدے  نے  اُوناں  نال  گذارے   نہیں  ہوندے
تُوں  دَس  تاں  کہیڑا  بندہ   اے  جنہوں  سجنٹر  پیارے  نہیں  ہوندے