گیت نمبر:384            گیت:عشق جب ایک طرف ہوتو
شاعر:حسرت جے پوریؔ       کمپنی:این ایم سی      البم:159
عشق جب ایک طرف ہو  تو  سزا  دیتا  ہے      عشق  گر  دونوں  طرف  ہو  تو  مزا  دیتا  ہے

اپنے  ماتھے پہ  یہ  بندیا  کی چمک رہنے  دو      یہ  ستارہ    مجھے  منزل  کا   پتہ   دیتا   ہے
عشق جب ایک طرف ہو  تو  سزا  دیتا  ہے

عشق  اک ایسا  آلاؤ  ہے  کہ  نادان  عاشق      برف  میں  بھیگے  بدن  کو  بھی  جلا  دیتا   ہے
عشق جب ایک طرف ہو  تو  سزا  دیتا  ہے

اے نمک پاش تیری سانولی  صورت  کی  قسم      دل  کا ہر  زخم  تجھے  دل  سے  دعا  دیتا  ہے
عشق جب ایک طرف ہو  تو  سزا  دیتا  ہے

آگ  میں  آگ  لگاتا  ہے  دھڑکتے   دل  کو      جب  وہ  ملتا  ہے  تو دامن  سے  ہوا  دیتا  ہے
عشق جب ایک طرف ہو  تو  سزا  دیتا  ہے