گیت نمبر:368          گیت:ان کا پیار ملا نہ ہم کو جن کے
شاعر:ایس ایم صادقؔ      کمپنی:ہائی ٹیک میوزک       البم:128
حسرت ہے میری  قاصد ان  کو  نہ  بتا  دینا    میرا خون جگر انکی مہندی میں ملا دینا
گر پوچھیں میرا تم سے کچھ ان سے نہیں کہنا    اٹھتی ہوئی میت  کی  تصویر دکھا  دینا
 

ان  کا  پیار ملا  نہ  ہم کو   ہم  جن  کے   دیوانے تھے
یہ تھی  اپنی قسمت لوگو  زخم  یہ  ہم  نے  کھانے   تھے

ساری  بستی  میں  اِک چہرہ  تھا  جو  اچھا  لگتا    تھا
باقی   سارے  جتنے  بھی  تھے  لوگ  سبھی  انجانے   تھے

میرے  گلشن  میں کیوں  کھلتا  پھول کسی کی  چاہت کا
میرے   دامن  میں  تو  خالی   کانٹوں  کے  نذرانے   تھے

جس صورت کو دیکھ کے صادقؔ خوف سا مجھ کو آتا ہے
وہ بھی دور تھا  اِس صورت کے لاکھوں  لوگ دیوانے   تھے