گیت نمبر:358              گیت:کیوں تو اچھا لگتا ہے وقت ملا
شاعرہ:سعیدہ صبا نیازیؔ       کمپنی:این ایم سی        والیم:163
کیوں  تو  اچھا  لگتا  ہے  وقت ملا  تو سوچیں گے      تجھ میں کیا کیا دیکھا ہے وقت ملا تو سوچیں گے

سارا  شہر  شناسائی  کا  دعوے  دار  تو  ہے  لیکن     کون  ہمارا  اپنا  ہے  وقت  ملا  تو  سوچیں  گے

ہم  نے اس کو لکھا  تھا  کچھ ملنے  کی تدبیر  کرو     اُس  نے  لکھ کر بھیجا  ہے وقت ملا تو سوچیں گے

موسم  خوشبو باد  صبا  چاند شفق  اور تاروں  میں     کون   تمھارے  جیسا  ہے وقت ملا تو سوچیں  گے

یا  تو  اپنے   دل  کی مانو  یا  پھر  دنیا  والوں  کی     مشورہ  اس کا  اچھا  ہے وقت ملا  تو سوچیں  گے