Song no:

33

Volume no:

105

Poet Name:

Lok Geet

Song Name:

Apna Garan Howay Tootaan Dee

Company:

Heera

اَپنا   گراں    ہووے   توتاں    دی   چھاں    ہووئے
وان  دی  منجھی    ہووئے   سِر  تَلے    باں   ہووئے

ہتھ   وچ    بٹیرا      رَکھاں  شملہ   اُچھیڑا   رَکھاں
ہُجرے   تے   ڈیرہ   رکھاں  سنگیاں  اِچ  ناں  ہووئے
اَپنا   گراں    ہووے   توتاں    دی   چھاں    ہووئے
وان  دی  منجھی    ہووئے   سِر  تَلے    باں   ہووئے

چلماں  دے  سوٹے    لاواں  کافیاں   تے  ڈھولے   گاواں
بوہے    تیرے   تے   آواں   نِکی    جئی   ہاں   ہووئے
اَپنا   گراں    ہووے   توتاں    دی   چھاں    ہووئے
وان  دی  منجھی    ہووئے   سِر  تَلے    باں   ہووئے

بُجھے  ہوئے  بٹیرے  کھاواں جدوں کدھی ڈھیرے جاواں
برفی  تے   پیڑے  کھاواں  چنگی   جئی  سراں   ہووئے
اَپنا   گراں    ہووے   توتاں    دی   چھاں    ہووئے
وان  دی  منجھی    ہووئے   سِر  تَلے    باں   ہووئے

ہتھ    تے    لکیراں   دیکھاں   نالے  تقدیراں  دیکھاں
رانجھے  تے   ہیراں  دیکھاں   وگدی    چنہاں  ہووئے
اَپنا   گراں    ہووے   توتاں    دی   چھاں   ہووئے
وان  دی  منجھی    ہووئے   سِر  تَلے    باں   ہووئے

سوہنی    جئی  سواری  رکھاں  بنگلا  تے  ماڑی  رکھاں
گڈی  وی   اُدہاری  رکھاں   دل    راضی   تاں  ہووئے
اَپنا   گراں    ہووے   توتاں    دی   چھاں    ہووئے
وان   دی  منجھی    ہووئے   سِر  تَلے    باں   ہووئے