Song no:

312

Volume no:

H-585

Poet Name:

Unknown

Song Name:

Ishq Hai Mehnoo Lagyeah

Company:

Hero

گیت نمبر:312              گیت:عشق اے مینوں لگیا ڈہڈا عشق اے
شاعر:نامعلوم           کمپنی:ہیرو         والیم:H-585
عشق    اِے    مینوں    لگیا   ڈہڈا  عشق   اے     مینوں     لگیا
تسبی   دَا     دَانڑاں    سُٹیا     ہر  دانے    چوں   ماہی     لبھیا

میں تاں عشق دے رنگ وچ رنگی  آں  بھاویں مندی آں بھاویں  چنگی  آں
مینوں   بھل  گئیاں  سنیگاں  چنگیاں   نالے   جاگدیاں  راتاں   لنگھیاں
عشق    اِے    مینوں    لگیا   ڈہڈا  عشق   اے     مینوں     لگیا

کے    ہویا   اے   اللہ  جانڑے   میڈے   رہے   نہ    ہوش   ٹھکانے
مینوں    بھل  گے   مہنڑیں  گانڑیں  بُھل   گئے   سرخی   کجل    پانے
عشق    اِے    مینوں    لگیا   ڈہڈا  عشق   اے     مینوں     لگیا

مینوں    ہوش   حواساں   بھلیاں   مینڈے   گل  وچ   زلفاں  کھلیاں
میں  تاں جنگل  بیلے   رُلیاں  نالے   رستے    گھر    دے    بھلی    آں
عشق    اِے    مینوں    لگیا   ڈہڈا  عشق   اے     مینوں     لگیا

میں    تاں    عشق   دی  تانی  کتھی  تھوڑی  راہ  گئی  وچوں  کچی
وچوں    فرق   لگیا   اِک   رَتی  وَت  میں  نویں  سرے  توں  گتھی
عشق    اِے    مینوں    لگیا   ڈہڈا  عشق   اے     مینوں     لگیا

جہڑے  ڈیں   دا   ہوش  سنبھالا  میڈے  گل  پئی  عشق   دی  مالا
مینوں   ملیا   کملی  والا   اُس   تھوں   وَکھ   نہ   تھیواں    شالا
عشق    اِے    مینوں    لگیا   ڈہڈا  عشق   اے     مینوں     لگیا

میں تاں عشق دے رنگ وچ رنگی آں بھاویں مندی  آں  بھاویں  چنگی  آں
مینوں    بھل    گئیاں   سنیگاں چنگیاں   نالے  جاگدیاں  راتاں لنگھیاں
عشق    اِے    مینوں    لگیا   ڈہڈا  عشق   اے     مینوں     لگیا