Song no:

273

Volume no:

64

Poet Name:

Naseem

Song Name:

Sajna Day Dukh Has Has Sanoo

Company:

PMC

گیت نمبر:273       گیت:سجناں دے دُکھ ہس ہس سانوں
شاعر:نسیمؔ          کمپنی:پی ایم سی            البم:64
سجنڑاں  دے دُکھ  ہس  ہس سانوں  سینے لانڑیں  پئے  گئے  نے
دِل  دِی   پیڑ تے ہنجواں  دے  وس  نین  نمانڑیں  پئے  گئے  نے

سدراں   ہوکے    ہاواں   بنڑ   کے   ہونٹاں   اُتے   رُکیاں   نیں
ہجر   دیاں   اے    لمبیاں  راتاں  ہالی  تِیک  نہ   مُکیاں   نیں
ڈنگیاں  سوچ  وچاراں  دے  وچ  نین   جگانڑیں  پئے    گئے   نیں
دِل  دِی  پیڑ تے  ہنجواں  دے  وس  نین  نمانڑیں  پئے  گئے  نے
سجنڑاں  دے دُکھ  ہس  ہس  سانوں  سینے لانڑیں  پئے  گئے  نے

تکیاں   باہجھ   صبر   نہ   آوے   ویلے    ہتھوں  کھسے  نیں
سمجھ   نہ  آوے  کہڑی    گلوں    یار   پیارے   رُسے    نیں
منتاں   طرلے   ہاڑے   پا   کے   یار   منانڑیں   پئے   گئے   نیں
دِل  دِی   پیڑ  تے  ہنجواں  دے  وس  نین  نمانڑیں پئے  گئے  نے
سجنڑاں  دے دُکھ  ہس  ہس سانوں  سینے  لانڑیں  پئے   گئے  نے

لوں  لوں  دے   وچ   تانگاں   رِڑ کَن   آند ا   چین   قرار   نئیں
جو   جو   ساڈے  نال   اے   بیتی   ہور  کسے  نوں  سار  نئیں
خوشیاں  دی  تھاں   درد  غماں  دے  بھار  اُٹھانڑیں  پئے  گئے  نیں
دِل  دِی   پیڑ  تے  ہنجواں  دے  وس  نین  نمانڑیں  پئے  گئے  نے
سجنڑاں  دے  دُکھ  ہس  ہس  سانوں  سینے  لانڑیں  پئے  گئے  نے

اَساں  تے   پیار   دے   سودے    وچوں   اے   منافع   کھٹیا  اے
بدنامی   دے    چج    وچ   پا   کے   لوکاں  سانوں   چھٹیا   اے
ساڈے   پچھے  پیار   دے   ویری   سمجھ   دیوانے   پئے  گئے  نیں
دِل  دِی    پیڑ  تے  ہنجواں  دے  وس  نین  نمانڑیں  پئے  گئے  نے
سجنڑاں   دے  دُکھ  ہس  ہس  سانوں  سینے  لانڑیں  پئے  گئے  نے

دَس  دِلا   ہنڑ   گلہ   کی    کرئیے    بے   قدرے   دلداراں   تے
وگڑے   ساز   نسیمؔ   نے   سارے  دِل   دِیاں   ٹیٹیاں   تاراں  تے
درداں  بھریاں   تانگاں   لا   کے   گیت   سُناڑیں   پئے   گئے   نیں
دِل  دِی   پیڑ  تے  ہنجواں  دے  وس   نین  نمانڑیں  پئے  گئے  نے
سجنڑاں   دے  دُکھ  ہس  ہس  سانوں  سینے  لانڑیں  پئے  گئے  نے