Song no:

270

Volume no:

64

Poet Name:

Unknown

Song Name:

Dooroon Dooroon Sanoo Tarsanday Ho

Company:

PMC

گیت نمبر:270         گیت:دُروں دُروں سانوں ترساندے او
شاعر:                کمپنی:پی ایم سی        البم:64
دوروں  دوروں  سانوں  ترساندے   او  اَسیں   بلایئے   تے  نئیں آندے او
اللہ  توں   ڈرو  جی    اِنج  نہ  کرو  جی  ڈسو  تاں  سہی چاندے  او

چناں جیا   مکھڑا     جناب    دا   پُھل   جیویں  کھڑیا    گلاب   دا
اکھاں   نشیلیاں     نیلاں   نیلاں   تک    کے   تھاں   مر  جاندے  او
اسیں        بلایئے           تے          نئیں        آندے       ہو

متھے  اُتے   وٹ   نئیں   او  پائی  دا  سجنڑاں تے  رُعب  نئیں  جمائی  دا
تھوڑا جیا ہسو جی نالے  سانوں دسو جی کہڑی گلے  غُصے  غُصے  راہندے  او
اسیں       بلایئے           تے          نئیں         آندے       ہو

تڑپاں   گے   نالے   تڑپاواں   گے  تکنوں   تے   باز    نئیں    آواں   گے
گولی سانوں مار دیوں بھاویں سولی چاڑھ دیوں مارو سانوں کیوں گھبراندے او
اسیں        بلایئے          تے          نئیں         آندے        ہو

ناں  تیرا   لے   کے   تے   روواں  گے   بوہا  تیرا   مل   کے  کھلواں  گے
ہوکے  ہاواں بھراں  گے  سچی گل کراں کے ویکھدے آں کِتھے  تائیں جاندے  او
اسیں        بلایئے          تے          نئیں          آندے        ہو

اِک   دِن   آوے   گا   ضرور  جی    ٹُٹ   پُٹ  جائے   گا    غرور   جی
کول  ساڈے آؤ  گے  نالے  فرماو  گے   دَسو  ہُنڑ  تُساں  کی   چاندے   ہو
اسیں        بلایئے          تے           نئیں         آندے        ہو