Song no:

214

Volume no:

6 (SIX)

Poet Name:

Miscellaneous

Song Name:

Mahiye (Dohrey- Mahiye)

Company:

Rehmat Gramophone House

گیت نمبر:214            گیت:ماہیے (دوہڑے ماہیے)
شاعر:متفرق          کمپنی:آر جی ایچ     والیم:6
او کوئی ساویاں وے لے ناخاں
میتھوں  بربادی  دَا کوئی  پوچھے  تاں  میں  کی  آکھاں

او کوئی بنیاں تے گہیوں بیندے
چنگی  ہوندی قسمت  سجنڑ جُدائیاں وے کیوں  پیندے

او کوئی بٹھی تے بُناں دانے
ڈھولے  پچھے  عزت گئی  لگی  ونجے  تاں  وی  او جانے

او کوئی جوڑی وے پکھیاں دی
تیڈے  سارے  بدن  وچوں  سِر  دَاری  وے  اَکھیاں دِی

او کوئی بٹھی تے بُناں دانے
بوھے  اُتے  ڈِھ  پوویئے   پاویں   ڈھول   نہ  کَک  جانے

او مُٹھی بھر لئی اِے تھال وچوں
تَکنا       ڈھولے    دَا   چُٹھے   تیر  کمان    وِچوں

او راہ نِکلے وے جوکاں تُوں
تجویز   دَا   لُٹیا  ہی   دَس  نہ   سکنا   لوکاں  نوں

او کوئی ساوا وے پَٹ ہوندا
وچھوڑا  سجنڑاں  دَا  نہیں  او موت  توں گھٹ  ہوندا

او کوئی اُڈ دَا وے کاں وِیندا
سجن    مریندے    نے    تِی   موت   دَا  ناں  ویندا

او وے کوئی چوچا وے اِل چایا
اِی  آ  ساڈی  غلطی  اِے  نہ سے  سوچ  کے  دِل  لایا

او چناں تھوڑی تھوڑی پیتی  کر
توہین   غریباں   دِی    شرحِ    عام   نہ   کیتی  کر

او کوئی تختی وے پوچیں آ
اِک   وَاری  اُجڑ  پوندوں  وَت  ظلم  نہ  سوچیں   آ

کوئی اَلف تے مَد کوئی نہ
تیڈے نال کی  بولنا  تیڈے   ظُلم   دِی  حد  کوئی  ناں

کوئی کاغذ تہہ کیتا
رَب  دَا    میں   شُکر  کراں  جِس  دَرد  عطا    کیتا

کوئی تِتر فروش آیا
حُسن  دی  ضَرب  لگی  نہیں  اَج  تائیں    ہوش   آیا

اِنج ڈھولے  وے  نہ کرنا
حق   نہیں     ڈھولے    دَا   ساڈا  اَمن  تباہ   کرنا

گھاہ لگی دَریاواں نوں
عشق   بھلا   دِیندا  چَنگے  چَنگے  عقل  دَاناواں   نوں

کوئی ٹوٹے وے ٹیناں  دے
عرش   ہلا    ِدِیندے   ٹھنڈے   ساہ  مسکیناں    دے

کوئی  پانی صاف  آیا
تیڈے    مُکھ    اَنور دَا   روح   کرن   دِیدار   آیا