Song no:

190

Volume no:

40

Poet Name:

Sona Khan Bewas

Song Name:

Dehkoo Urooj Wahlo Meda Zawal

Company:

Rehmat Gramophone House

گیت نمبر:190               گیت:دیکھو عروج والو میڈا زوال دیکھو
شاعر:سونا خان بیوسؔ     کمپنی:آر جی ایچ         والیم:40
دِیکھو  عروج    والو   میڈا    زوال     دِیکھو      عبرت   دَا  ہاں  فسانہ عبرت  دِے  نال   دیکھو

بربادیاں  دا  گھر   ہاں  جاگیر  ہاں  دُکھاں  دی      ہجراں دی اَگ  ہمیشہ میڈے در تے بلدی رہندی
ہے   سامنے    حقیقت    روشن   مثال   دیکھو     عبرت   دَا  ہاں   فسانہ  عبرت دِے  نال   دیکھو

خریدار   بن    کے   آئے  بے دام  وِک  گیو  سے     کیں اِک دِی سِک  دِے بدلے رِہ اِک دِے اِک گیو سے
کتھوں ٹُر کے  کتھ کھلو گے قسمت دی گال دیکھو    عبرت   دَا  ہاں  فسانہ  عبرت  دِے  نال   دیکھو

ساہ  ساہ دے  نال باہر  ٹکڑے جگر  دے  آوندن     دریا اکھیں چوں لہو دے ڈیں رات وَگدے    راہندے
ظالم دا  ظلم  دیکھو  ظلماں   دی  ڈھال دیکھو     عبرت   دَا  ہاں  فسانہ  عبرت  دِے  نال   دیکھو

ڈاڈاں    دے   نال   کیندے   کہڑے مقابلے  ہن     پلکاں  تے   سرخ   اتھروں  پیرا   تے  آبلے   ہن
وَسدے  جہاں  دِے  پیار وچ  اُجڑاں دَا حال دِیکھو     عبرت   دَا  ہاں  فسانہ  عبرت  دِے  نال   دیکھو