Song no:

184

Volume no:

29

Poet Name:

Barhi Nizami

Song Name:

Kehray Heer Noo Viha K

Company:

PMC

گیت نمبر:184            گیت:کھیڑے ہیر نُوں ویاہ کے جدوں لے گے
شاعر:بری نظامیؔ           کمپنی:پی ایم سی            والیم:29
کھیڑے ہیر نوں ویاہ کے جدوں لے گے تے رانجھے کنیں پائیاں مندراں
محل  آساں تے اُمیداں والے  ڈیہہ گئے تے رانجھے کنیں پائیاں مندراں

ونجلی  دا  کوئی   پیار   بھلا  کے  ٹُر  گیا جھوٹیاں  قسماں کھا  کے
ویری سدراں  دے  نال  جدوں کہہ گئے تے رانجھے کنیں  پائیاں  مندراں
کھیڑے     ہیر       نوں     ویاہ    کے   جدوں     لے       گے

باراں   سال     چرا  کے   مہیاں    پرت  نہ    اونے   خبراں  لئیاں
تھک  ہار   کے راواں دے وچ  بہہ گئے  تے  رانجھے کنیں  پائیاں مندراں
کھیڑے     ہیر       نوں     ویاہ    کے   جدوں     لے       گے

ہتھ  وچ   کاسہ   جوگی   پھردا     در  در  پیار  دا  روگی   پھردا
لمبے پینڈے نے جدائیاں  والے  پہ گئے  تے  رانجھے  کنیں  پائیاں  مندراں
کھیڑے     ہیر       نوں     ویاہ    کے   جدوں     لے       گے

عشق  دا  پا   کے  گل   وچ   پلاہ   تیھتوں  رانجھنا تی    گیا   کلا
ہنجوں عشق دے اکھیاں چوں بہہ گے بھئی تے رانجھے کنیں پائیاں مندراں
کھیڑے     ہیر       نوں     ویاہ    کے   جدوں     لے       گے

پھردا    ہے   ہنڑ  کہڑیاں حالاں  دل  دے  بیٹھا   جھنگ     سیالاں
اوندے  وعدیاں تے بری  ہوئی   رہ  گے  تے  رانجھے کنیں پائیاں  مندراں
کھیڑے     ہیر       نوں     ویاہ    کے   جدوں     لے       گے