Song no:

181

Volume no:

33

Poet Name:

Farooq Rokhri

Song Name:

Gal Wich Mankay Kun Wich Mundraan

Company:

PMC

گیت نمبر:181              گیت:گل وچ مِنکے کَن وچ مُندراں
شاعر:فاروق روکھڑیؔ      کمپنی:پی ایم سی     والیم:33
او نصیب دے چکر عجیب ہوندے ہن ونجے بدل تاں چلدی واہ نہیں
ہو ہر  گال  بات  بےاثر ویندی رہندی کیں لگدے نوں  چاہ  نہیں
جیہڑے  سجنڑ وچھیندے راہ وچ  اکھیاں اوہا پچھیاں دَسدے راہ نہیں
جداں اختر  تخت نشین  اُجڑے اکوں لُکن دی  لبھدی  جھاہ  نہیں

گل وچ  منکے  کن  وچ مندراں  تن تے  پھٹیاں  لیراں  ہن
ایس  دُنیا توں وت وی  چنگیا  میڈیاں اے   جاگیراں  ہن

تیڈیاں زُلفاں کالیاں راتاں  چن  تے    سورج  تیڈا   مُکھڑا
تیڈے  سب  ہنیرے  ماہی  تیڈیاں   سب   تنویراں  ہن
گل  وچ  منکے  کن  وچ  مندراں تن تے پھٹیاں لیراں   ہن
ایس  دُنیا توں وت وی  چنگیا  میڈیاں  اے  جاگیراں  ہن

تیڈے  کول میں  آندا  کیویں  من دا حال سناداں  کیویں
چپ  سا   سیتی ظالم  لوکاں   پیراں  وچ  زنجیراں  ہن
گل  وچ  منکے  کن وچ  مندراں  تن  تے پھٹیاں  لیراں  ہن
ایس  دُنیا توں وت وی   چنگیا  میڈیاں اے   جاگیراں  ہن

تیڈے ساہڈے دُکھ سُکھ سانجھے سانجھیاں ڈیں تے راتاں نے
خواب  وی ساہڈے مِلدے جُلدے وکھریاں کیوں تعبیرا ں  ہن
گل  وچ  منکے  کن وچ  مندراں  تن  تے پھٹیاں  لیراں  ہن
ایس  دُنیا توں وت وی   چنگیا  میڈیاں اے   جاگیراں  ہن

یار  شناء   بیگانہ   سمجھن  گھر  والے  دیوانہ   سمجھن
اللہ  جانے    میڈے   کولوں   تھیاں  کے   تفصیراں   ہن
گل  وچ  منکے  کن وچ  مندراں  تن  تے پھٹیاں  لیراں  ہن
ایس  دُنیا توں وت وی   چنگیا  میڈیاں اے   جاگیراں  ہن

اَج دے رانجھے تخت چھڈے شیش محل  وچ  عشق کماندے
روندیاں   تے  کُرلاندیاں  پئیاں  بیلے  دے  وچ   ہیراں  ہن
گل  وچ  منکے  کن وچ  مندراں  تن  تے پھٹیاں  لیراں  ہن
ایس  دُنیا توں وت وی   چنگیا  میڈیاں اے   جاگیراں  ہن

جے  تینوں  اعتبار  نہیں آندا  تک لے میڈا چیر  کے  سینہ
من  مندر  وچ  سجیاں ہویاں  تیڈیاں سب تصویراں   ہن
گل  وچ  منکے  کن وچ  مندراں  تن  تے پھٹیاں  لیراں  ہن
ایس  دُنیا توں وت وی   چنگیا  میڈیاں اے   جاگیراں  ہن

کِس  کیتے  فاروقؔ   اے  دُنیا  مینوں  طعنے  ڈیندی   اے
اپنے   ہتھیں   آپ  بنائیاں  میں  تاں   اے تقدیراں   ہن
گل  وچ  منکے  کن وچ  مندراں  تن  تے پھٹیاں  لیراں  ہن
ایس  دُنیا توں وت وی   چنگیا  میڈیاں اے   جاگیراں  ہن