Song no:

172

Volume no:

30

Poet Name:

Majboor Esa Khelvi

Song Name:

Ah Wasiyaan Sawonyaan

Company:

PMC

گیت نمبر:172              گیت:آوسیاں ساونڑیاں تیڈی دید نوں
شاعر:مجبور عیسیٰ خیلویؔ     کمپنی:پی ایم سی            والیم:30
وے  کوئی  جُرم سوچیندوں  چھوڑ  نہ ویندوں میڈا دلبر بے پرواہ  اے
کجھ  نہ  ڈسو ہی  رُول ڈتو ہی کیں  ڈتی  اے  اِی غلط صلاح   اے
نت  ظلم  سوچیندا اِیں  اَتے خوش  پئیا تھیندا رل غیراں دے ہمراہ  اے
جینداں  مار  مکایا  اِی  بیوسؔ  کُوں ودے آندے ہن رک رک  ساہ  اے

آ وسیاں  ساونڑیاں     تیڈی    دید   نوں   ترس    گیاں
وے    پھٹنی       نوکریاں     ہائے    آ وسیاں  ساونڑیاں

میڈے   چولے   تے  سوہنی  کڈاہی  اَگ  سانولے آ بھڑکائی
ماہی   نیندراں    اُکھڑ   گیاں    وے   پھٹنی    نوکریاں
آ وسیاں  ساونڑیاں     تیڈی    دید   نوں   ترس   گیاں

میڈے چولے  دے  نال  دھاگے  پئی  حُب سجناں  دی  جاگے
تڑپاون    دِلبریاں       وے        پھٹنی        نوکریاں
آ وسیاں  ساونڑیاں     تیڈی    دید   نوں   ترس   گیاں

میڈے چولے نوں ماہی پُلکاں سٹا  ساڑ ہجر  دِیاں   جُھلکاں
مچھی  وانگوں   میں  تڑف   دیاں  وے    پھٹنی  نوکریاں
آ وسیاں  ساونڑیاں    تیڈی    دید   نوں   ترس    گیاں

میڈے  چولے نوں فِٹ  باہنواں کدے  سکدیاں نہ مر جاواں
ایہا    فکراں   وے   رات  ڈیہیاں  وے  پھٹنی   نوکریاں
آ وسیاں  ساونڑیاں     تیڈی    دید  نوں   ترس   گیاں

میڈے چولے کوں ماہی  مایا   تیکوں لکھ  واری   سجھایا
میڈی      کلیاں  نبھدی     نہ  وے  پھٹنی    نوکریاں
آ وسیاں  ساونڑیاں     تیڈی    دید   نوں  ترس   گیاں

میڈے  چولے ٹکیاں  لیساں  لگی  نال  سجنڑ  میں  ویساں
ہُن   پکیاں  میں  سوچ  لیئیاں  وے    پھٹنی    نوکریاں
آ وسیاں  ساونڑیاں     تیڈی    دید   نوں  ترس   گیاں

میڈے  چولے  دے  نال  کلیاں اساں  راہواں  تیڈیاں  ملیاں
اکھیں  تک  تک  ہار  گئیاں     وے    پھٹنی    نوکریاں
آ وسیاں  ساونڑیاں   تیڈی    دید   نوں   ترس    گیاں

میڈے چولے دے نال  بچیاں گلاں  ڈھول نہ  کیتاں سچیاں
تائیون   بُک    بُک  رُوندی  آں  وے  پھٹنی    نوکریاں
آ وسیاں  ساونڑیاں     تیڈی    دید   نوں  ترس   گیاں

میڈے چولے نوں ٹچ  ڈیسی روزی  رب وطعناں دے  ڈیسی
من     گھن   مجبور   دیاں   وے   پھٹنی     نوکریاں
آ وسیاں  ساونڑیاں    تیڈی   دید   نوں   ترس   گیاں