Song no:

171

Volume no:

32

Poet Name:

Majboor Esa Khelvi

Song Name:

Medi Bekasi Da Tamasa Bana K

Company:

PMC

گیت نمبر:171               گیت:میڈی بے کَسی دا تماشہ بنا کے
شاعر:مجبور عیسیٰ خیلویؔ      کمپنی:پی ایم سی        والیم:32
میڈی بے کسی  دا تماشہ بنڑا کے شریکاں تے غیراں دے ہاسے بنائے نی
جگر بدنصیباں دا کر ٹکڑے ٹکڑے اُتوں تیر ظالم ظلم دے وسائے نی

جداں کھیڈ  کھیڈن  دا   اِنج  شوق   ہاوی     مصیبت    دے   ماراں  کوں   چن   لٹنا   ناوی
ایہوں     گھر  خوشی  دا   صدا    راوے     جیندے  گھر  دے  ساھنگے  سانوں  روگ  لائے  نی
میڈی     بے  کسی   دا   تماشہ  بنا  کے

زمانے  دی  گالیں  تاں  بہوں  سنڑ  دے  ہاسے    تیڈی   کج     اداواں  تے  اعتبار     ناہ    سے
سجنڑ  بن  کے سجنڑاں کوں دے  کے  دلاسے     محبت  دے   واہ   حق   ادا   کر  ڈکھائے   نی
میڈی     بے  کسی   دا   تماشہ  بنا  کے

یقین نہ  سے آندا   ڈکھی   چھوڑ    ویسیں     غماں  وات   ڈکھیاں  دی  جندڑی  چاہ  ڈیسیں
جہڑے خاب  میکوں  ڈراندے   وددے  ہن      اُو   ہا  شک  میڈا  یار  سچ   کر  ڈکھائے  نی
میڈی     بے  کسی   دا   تماشہ  بنا  کے

ایویں   کرنی   ہا یا تاں پہلے   ڈساویں   ہا       ول  ول  کے  بیدرد  قسماں نہ    چاویں   ہا
قسم رب دی ساری حیاتی   نہ  چھٹ  سن       اُو  ہو  شک   میڈا   یار سچ کر ڈکھائے   نی
میڈی     بے  کسی   دا   تماشہ  بنا  کے

ہجر دے  غصب  توں  لہو  سُکدا  راہسی       نہ بُجھ  سی نہ  بَلسی  دُھوہاں دُکھدا  راہسی
بے وسؔ دی  جندری دا  مُل چُک  دا راہسی      میڈا   یار  جیون  دے واہ  ڈھنگ  سکھائے  نی
میڈی     بے  کسی   دا   تماشہ  بنا  کے