Song no:

168

Volume no:

32

Poet Name:

Lok Geet

Song Name:

Chimta Taan Wajda

Company:

PMC

گیت نمبر:168          گیت:او چمٹا تاں وجداجدوں وس جائے
شاعر:لوک گیت          کمپنی:پی ایم سی          والیم:32
او چمٹا تان وجدا  جدوں وس جائے دِل وِچ پیار      کسے   نال  ہو  جان  قول  قرار  چمٹا تاں وجدا

متھے بِندی بِندی ٹِکا لاواں ہتھے مہندیاں رچاواں      لال  جوڑا  وی میں  پاواں  نالے  وہٹی  بن  جاواں
مینوں    وج    گیا     پیار  والا ڈنگ  وے       تے         چمٹا          تاں          وجدا

لالی  گلاں    اُتے  لائی  نک  نتھلی  میں   پائی       لوکی دیندے نے دُھائی میں تے ہو گئی آں  سودائی
سارے    کیندے   مینوں  اُڈی    پتنگ   وے      تے         چمٹا          تاں          وجدا

پیریں جھانجراں میں پائیاں ہتھے چوڑیاں چڑھائیاں       میں  تے  کر  کے  بہانہ  تیرے  ملنے  نوں  آئیاں
جدوں  اکھیاں  دا   ہویا   سوہا    رنگ  وے       تے         چمٹا          تاں          وجدا

گوٹہ  چُنی اُتے  لاواں اوہنوں  سر  تے  سجاواں       اگ  لائی  ٹھنڈے  ساہنواں میں تے مر  مر  جاواں
سچے  دل  تو  میں ہو  گئی  تیری  منگ  وے       تے         چمٹا          تاں          وجدا

کنیں  جُھمکے  میں  پانواں  گیت پیار والے  گانواں       جدوں سامنے توں آویں تے میں سنگ سنگ  جاواں
ایسی   ہوئی   اَج  اَکھیاں  دِی  جنگ     وے       تے         چمٹا          تاں          وجدا

تک گوریاں  اے  باہنواں  جُتی  تِلے   والی  پاواں        تیرے پچھے پچھے   آواں  تے میں  نَچ  نَچ گاواں
دِل    اُڑ   جانٹرا   کرئے  مینوں   تنگ   وے        تے         چمٹا          تاں          وجدا

بولے  چیچی  وچ چھلا میں  وی  کلی توں وی کلا        اِیناں پیار تینوں کراں  وے  توں ہو  جاویں جھلا
مینوں   چھیتی  نال  لے  جا  ماہی جھنگ  وے        تے         چمٹا          تاں          وجدا

پیار  اِک  نال   پاساں   جتھے    لاج  نبھاساں         اِس    دِل   وِچ   اُوندی    تصویر    سجاساں
جینوں  کہندے  لوکی    خان   ملنگ      وے        تے         چمٹا          تاں          وجدا