Song no:

164

Volume no:

53

Poet Name:

Majboor Esa Khelvi

Song Name:

Koi dholay Koon Samjaway

Company:

PMC

گیت نمبر:164              گیت:کوئی ڈھولے کُوں سمجھاوے تے اج
شاعر:مجبور عیسیٰ خیلویؔ کمپنی:پی ایم سی            والیم:53
آثار    میکوں    بر بادی     دِے   پئے   بالکل   صاف   ڈَسیندے
معلوم  تھیندا  اِے  دِیں  تھوڑے  رِہ گے  مجبور  میڈی  زِندگی  دِے
او  ہجر  فراق  اِچ  تڑپ  تڑپ کے  پے  مُکدہن  وقت  دُکھی  دِے
اورے  سُن  گھن  بیوسؔ   دُنیا  نوں   ٹُر  وسین  دَرد  رَسی   دِے

کوئی ڈھوے کوں سمجھاوے تے  اَج  دِی  رَات  ٹِک  پووے
نہ مسکیناں  دَا  دِل  ڈَھاوے  تَے اَج  دِی رَات  ٹِک  پووے

وِچوں   بدلی  دِے  چن  وِیندا  مَتاں کیں  دِی اُو مَن  وِیندا
کوئی   تاں  اُس  کوں مَت لاوے تے اَج دِی رَات  ٹِک پووے
نہ  مسکیناں  دَا  دِل  ڈَھاوے  تَے  اَج دِی رَات ٹِک  پووے

چنے  دِی  لاٹ   دُوری  ہے  ڈھولے  نال  کم ضروری   ہے
ذرا  تاں  سامنڑے  آوے  تے  اَج   دِی  رَات   ٹِک  پووے
نہ  مسکیناں  دَا  دِل  ڈَھاوے  تَے  اَج دِی رَات ٹِک  پووے

تکاں  چن  کوں  میں اولے نال (میں) گل کرنی ہے ڈھولے  نال
دو  گھڑیاں  سامنڑے   باوے  تَے  اَج  دِی  رَات ٹِک  پووے
نہ  مسکیناں  دَا  دِل  ڈَھاوے  تَے  اَج دِی رَات ٹِک  پووے

نکل    بدلی  چوں   چن   آیا   ہے   چاہواں نال  سڈوایا
نہ  لیکاں پیار کوں  لاوے  تَے  اَج   دِی  رَات  ٹِک  پووے
نہ  مسکیناں  دَا  دِل  ڈَھاوے  تَے  اَج دِی رَات ٹِک  پووے

او  چن   ماہی   غربیاں  دے  ملنڑ  ہوندے   نصیباں  دے
بھلا  نت نت نہ عید  آوے  اے  اَج  دِی  رَات  ٹِک  پووے
نہ  مسکیناں  دَا  دِل  ڈَھاوے  تَے  اَج دِی رَات ٹِک  پووے

او    چن   کوٹھے    تے   آیا   اِے  ککڑ بانگی  پکایا  ہے
ہتھوں  ڈوں  بُرکیاں  کھاوے  تے  اَج  دِی  رَات ٹِک  پووے
نہ  مسکیناں  دَا  دِل  ڈَھاوے  تَے  اَج دِی رَات ٹِک  پووے

چنے    دِی  چانڑی  ہر   تھاں   اَساں  کوئی  بیگانے   ناں
نہ  شرماوے  نہ  گھبراوے  تَے  اَج  دِی  رَات  ٹِک  پووے
نہ  مسکیناں  دَا  دِل  ڈَھاوے  تَے  اَج دِی رَات ٹِک  پووے

سوہنڑیں  چن   دِی   تیاری  اِے  عجب  جئی بےقراری  اِے
سرہوں  بوچھنڑ ودا  ڈھاوے  تَے  اَج  دِی  رَات  ٹِک  پووے
نہ   مسکیناں   دَا  دِل  ڈَھاوے  تَے  اَج دِی رَات ٹِک پووے

عجب  چن تے  عجب  لشکاں توں وِی   مجبور کر  منتاں
متاں او  میڈی  من  جاوے تَے  اَج  دِی رَات  ٹِک  پووے
نہ  مسکیناں  دَا  دِل  ڈَھاوے  تَے  اَج دِی رَات ٹِک پووے