Song no:

152

Volume no:

2

Poet Name:

Majboor Esa Khelvi

Song Name:

Way Toon Motiyeah Da Phul

Company:

Sonic

گیت نمبر:152              گیت:وے توں موتیے دا پُھل میں گلاب
شاعر:مجبور عیسیٰ خیلویؔ      کمپنی:سونک            والیم:2
زُلف دَراز  دے پچ مُسلسل پئی  سپ وَانگوں ڈَنگ مارے ہیٹھ سَالارے
آ  وَت وَت ڈِگدی مُکھ اَنور  تے  اُو  کر کر کے چمکارے اُٹھن شرارے
دِل عاشق  دَا مِل  گِل  وِیندا جاں  ہتھ  دِے نال سنوارے نال ہُلارے
آڈھاؔ  پچ  زُلف  محبوب اَنھوکے جاں دِل  تے کردے مار اِے لگن پیارے

وے توں موتیے دَا پُھل میں گلاب دی کلی     تیتھوں رَانجھنا  وے ہیر قربان ہو چلی

توں    ہیں    پُھل    اَلبیلا    مہکے     تیھتوں    بیلا    بیلا    میرے    ہانواں
میں    وی   تیڈے    نال    سجاں  گھٹ    میریاں  نہ   دَھجاں   میرے  ہانواں
رَب  جاندا  اِے  بڑی  چنگی  جوڑی  ہے  رَلی  تیتھوں رَانجھنا وے ہیر قربان ہو چلی

تیڈا        حُسن      تے     شباب      لَاجواب    لَاجواب     دِل    جانیاں
تک     میڈا     وِی    شنگھار    پیریں    پوندی   اِے   بہار   میڈے   جانیاں
توں جو مکھناں دَا پلا میں وِی کھیراں دی پلی تیتھوں رَانجھنا  وے ہیر قربان ہو چلی

تو ں       ہیں        عزتاں      دَ ا  وَالی    تِیڈا   کم   لَج پالی   جی  دَاریا
میڈی    لج     نالے     پت      تیڈے   ہتھ     تیڈے   ہتھ    جانو  پیاریا
تیڈے  باہجوں سونٹریاں میں ہاں کل وے کلی تیتھوں  رَانجھنا  وے ہیر قربان ہو چلی

تیڈا     تخت        ہزارہ      لگے      جان   کولوں   پیارا   ڈھول   مکھناں
جھنگ      سیال     دِی     جٹی    تیڈے    پیراں    تے  ڈَٹھی   خیال رَکھناں
تیڈے پیار وِچ  چناں  وِے  میں  کملی  جھلی  تیتھوں رَانجھنا وے ہیر قربان ہو چلی

میڈے    خواب     تے      خیال    سجے    تیڈے   نال   نال  ڈھول  سونٹریاں
تیڈے    پیا ر     دِی   جاگیر   میں   ہاں   میں   ہاں  جٹی  ہیر  من  مونیٹریاں
تیڈے باہجوں جانیاں میں تے سوندی نہ کلی تیتھوں رَانجھنا  وے  ہیر قربان ہو  چلی

توں       ہیں      چین     تے   قرار   میڈا  سجرا   پیار  ڈھول   دِل    دَا
میں      ہاں     تِیڈی   تسکین    مِیڈے    دِل   کوں   یقین   رَاہویں   ملدا
تیڈے  باہجوں نہ  کھلے  میڈے  دِل کی کلی تیتھوں  رَانجھنا  وے ہیر قربان ہو چلی

توں      ہیں      دِل      دَا   سرور  اَکھاں  میڈیاں دَا  نور  جیویں جگ  تے
میں   وی    ہور   تے   قصور   چیتا    رکھیں  مجبورؔ   جیویں   جگ   تے
تیڈے   باہجوں  سجناں میں  نہ لگدی بھلی تیتھوں  رَانجھنا وے ہیر قربان ہو چلی