Song no:

150

Volume no:

2

Poet Name:

Nair Soach

Song Name:

Too Nahi Tay Teriyaan Yadain

Company:

Sonic

گیت نمبر:150             گیت:توں نہیں تے تیریاں یاداں سہی
شاعر:نیر سوچؔ             کمپنی:سونک           والیم:2
وے بہوں ظلم کتوئی میکو چھوڑ دِتوئی متھے کوئی اِلزام تاں لیندوں چھوڑ نہ وِیندوں
بلفرض  جے   بہوں   مجبوری  ہاوی  کلیاں   بہہ   سمجھیندوں   رَاز  ڈِسیندوں
لڑ   چُھٹ  وِیندے کر چپ  وِیندے  وَت   بیشک کنڈ کر  وِیندوں  زِہر پَلیندوں
تھی ساہ بیووسؔ  دِے ختم وِیندے وہ  پچھے  غیر دِی سیج سجیدوں جشن مَنیدوں

توں نہیں  تے  تیریاں  یاداں  سہی  یاداں  دِے سہارے  جی لاں  گے
توں  ہور کسے  سنگ  جی صدقے  اَسیں   کلے  کارے   جی لاں  گے

اَسیں اُجڑے کجھ وِی  بچیا نہیں اِک آس سی  اُو  وی  ٹُٹ گئی  اِے
ساہڈے  پیار  تے  ڈاکہ  وَجیا اِے ساہڈے دِل دِی نگری  لُٹ  گئی  اِے
جا   مِٹھیاں  نِیندراں  مانڑیں  توں  اَسیں  گِن  گِن  تارے جی لاں گے
توں  ہور کسے  سنگ  جی صدقے  اَسیں   کلے  کارے   جی  لاں  گے

اَسیں   یاد  آئیے  سانوں  بُھل  جاویں  اَسیں  مر گے سانوں روویں ناں
ساہڈی موت دَا جشن منانویں توں ساہڈے غم  وِچ دُکھی توں ہویں ناں
ہنڑ   جنی   زِندگی   باقی   اِے  اَسیں  مارے  مارے  جی  لاں   گے
توں  ہور کسے  سنگ  جی صدقے  اَسیں   کلے  کارے   جی  لاں  گے

شالا   مِل   کے  کوئی  وِچھڑے ناں  نیرؔ   اِے   دُعاواں   منگدا  اِے
دِلدَار   بِناں   میڈا   رَب  جانڑیں اِک پل  وِی  مشکل  لنگھ  دَا  اِے
او  ڈِسدا  راوے   بھانویں    بولے نہ اَسیں  اِیسے  لارے جی لاں  گے
توں  ہور کسے  سنگ  جی صدقے  اَسیں   کلے  کارے   جی  لاں  گے