Song no:

120

Volume no:

12

Poet Name:

Afzal Ajjiz

Song Name:

Tayday Naal Jeevaan Gee Tayray Naal

Company:

Sonic

گیت نمبر:120            گیت:تیڈے نال جیواں گی تیرے نال مراں گی
شاعر:افضل عاجزؔ          کمپنی:سونک             والیم:12
شالا  کیں  دِے  سجن  ناراض نہ تھیون تے  شالا  پیار وچ  فرق نہ  آونٹر
نہیں  ککھ  دِی عزت  جہان  تے رِہندی  چے  سجن  چا  مُکھ  پر تاونٹر
شالا   پیار   دِی    رُت   وِچ   ہجراں  دِے  نہ   موسم   پھیرا  پاونٹر
عاجزؔ  اِے   محل  اُو  مجتاں  دِے  کدے  اُسر   کے   وَت   نہ  ڈھاونٹر

تیڈے  نال  جیواں گی وے تیرے  نال  مراں  گی     جیویں توں راضی راویں وے میں  اویں کراں گی

ہتھے   گھیودی   چُوری   تیں  کوں کھویساں     بُھوری مج  دَا ماہی وے تیں کوں دُودھ پلیساں
چِٹے  دن  نوں ملساں کسے  توں  نہ ڈراں   گی     جیویں توں راضی راویں وے میں  اویں کراں  گی

تیڈے    کَن     سویساں  ململ   دَا    چولا     کُھسا   خوشابی   وے لُنگی جنگ دِی   ڈھولا
کجلا      پاویساں     کنگیاں  وی  کراں  گی     جیویں توں راضی راویں وے میں  اویں کراں  گی

دوویں  رَل    کے    ماہی    پنیگاں  جٹھسیوں     سڑداں   توں  ماہی   وے   رَج  رَج سڑیسوں
باہروں  توں نہ ہاریں گھروں  میں  نہ ہراں  گی     جیویں توں راضی راویں وے میں  اویں کراں  گی

تیڈے    نال     ماہی   وے   کنکاں  رویساں     چڑیاں     اُڈیساں    تے   رَاکھی     کریساں
تھکا  ہارا   آویں  گا   مُٹیھاں  وی  بھراں   گی     جیویں توں راضی راویں وے میں  اویں کراں  گی

فِکراں   تے   چنتے   دِل   تے  نہ رَکھ    وے     تیں    کوں   کدائیں  تھیساں نہ وکھ    وے
اَپنے   تے  تیرے   دُکھ  دل   تے    جراں  گی     جیویں توں راضی راویں وے میں  اویں کراں  گی