Song no:

116

Volume no:

60

Poet Name:

Unknown

Song Name:

Mayday Badnaseeb Dil Da Hovi

Company:

Rehmat Gramophone House

گیت نمبر:116           گیت:میڈے بد نصیب دل دا ہوئی سلام ڈھولا
شاعر:                  کمپنی:آر جی ایچ            والیم:60

اے  حُسن دا شاہ ذرا سامنے بھاہ تیکوں  ویکھن تے بہوں لطف آندا اِے
تیڈے ناز تے نخرے جگ توں وکھرے پیا نِت تڑفا بہوں لطف آندا  اِے
جیویں تیر چڑیندے ہن ترکش وچہ اِنج  دید بھوا بہوں لطف آندا  اِے
سردار  دے  سینے  بلدی  بھاہ پیا نِت  بھڑکا  بہوں لطف   آندا  اِے

میڈے  بدنصیب   دِل    دا   ہووی    سلام   ڈھولا       دُنیا    توں    کیتی   ویندا  اِیں  محبت تمام ڈھولا

تیڈی   آس     تے   او   ماہی الفت  دا  باغ   لایا        آ   کے   خزاں   ہجر  دا  ہر  گُل  تے  داغ  لایا
آ  ڈیکھ   ہر   شجر  تے  غربت  دی  شام  ڈھولا        دُنیا    توں    کیتی   ویندا  اِیں  محبت تمام ڈھولا

ہر کیں توں پچھدے رہے آں غیراں دے گھر وی گے آں        دُکھڑے جعلیندے رہے آں چپ کر کے روندے  رے آں
حرماں    نصیب کوں دس کتھے  ای    قیام  ڈھولا        دُنیا    توں    کیتی   ویندا  اِیں  محبت تمام ڈھولا

ہر    شب   سیاہ   اندھیرہ   میکوں  بہوں  ڈراندا        ہر  ڈیں کوں   ہجر  تیڈا  میڈے  جگر کوں  کھاندا
غم    ماری     زندگی   دا   آ   ونج  آرام  ڈھولا        دُنیا  توں   کیتی   ویندا  ایں  محبت   تمام   ڈھولا

سر  تاج    زندگی   دا    وطناں  تے  کیوں نی آندا        اپنڑا   وطن  سجنڑ  کوں  رب  جانے کیوں  نی  بھاندا
قاصد   وی   نہیں  گھلیندا  ڈے   کے پیغام  ڈھولا        دُنیا   توں  کیتی   ویندا  ایں  محبت  تمام   ڈھولا

سانول تیڈے شیدائی کوں ہر کوئی  دیوانہ  آہدا  اے         قسمت   نوید   تیڈی   سارا  زمانہ     آہدا    اے
معصوم  جئی   جوانی   گل  گئی   تمام    ڈھولا         دُنیا   توں   کیتی   ویندا   ایں محبت تمام   ڈھولا