Song no:

113

Volume no:

162

Poet Name:

S M Sadiq

Song Name:

Mayray Qatil Meri Maith Pay Zara

Company:

NMC

گیت نمبر:113           گیت:میرے قاتل میری میت پہ ذرا رو لینا
شاعر:ایس ایم صادقؔ          کمپنی:این ایم سی       والیم:162
مُجھے دُنیا سے رخصت کر کے ہی جاتے تو اَچھا تھا    گھڑی بھر کے لیے تم بھی چلے آتے تو اَچھا تھا
میری   تُربت  پہ  آئے  ہو  تمھاری  مہربانی   ہے    رَقیبوں کو مگر تم  ساتھ نہ لاتے تو اَچھا تھا

میرے   قاتل   میری    میت   پہ  ذرا  رو  لینا    دَاغ دَامن سے  میرے  خون کے یوں دھو لینا

توں  ملا  بھی  تو میری جان  سے کھیلا سنگ دل    تجھے  پانے   سے تو بہتر تھا تجھے کھو لینا
میرے  قاتل  میری   میت   پہ   ذرا   رو   لینا    دَاغ دَامن  سے  میرے خون کے یوں دھو لینا

جب  بھی  مر جھائیں  کسی  روز  وَفا  کے پودے    پھر  میرے  خون  سے اِک فصل نئی بو لینا
میرے  قاتل  میری   میت   پہ   ذرا   رو   لینا    دَاغ دَامن سے میرے  خون کے  یوں دھو لینا

دو  گھڑی  کے  لیے  آ  کر مجھے رُخصت  کر دو    غیر  کی  بانہوں  میں  پھر چین سے سو لینا
میرے  قاتل  میری   میت   پہ   ذرا   رو   لینا    دَاغ  دَامن  سے میرے خون کے یوں دھو لینا

میری  تُربت  پہ   نہ   ڈالو  مہکتے   گُل  صادقؔ    پھول  سوکھے ہوئے کانٹوں میں  تم پرو لینا
میرے  قاتل  میری   میت   پہ   ذرا   رو   لینا    دَاغ دَامن سے میرے  خون کے یوں  دھو لینا