گیت نمبر:103             گیت:میں شرابی ہوں مجھے پیار ہے
شاعر:متفرق                کمپنی:آر جی ایچ       والیم:25
محبت ترک کی  میں  نے  گریباں سی لیا میں نے      زمانے  اَب  تو  خوشِ  ہو  زہر  یہ بھی پی لیا میں نے
اَبھی زندہ ہوں لیکن سوچتا رہتا ہوں خلوت میں     کہ  اَب  تک کس تمنا  کے  سہارے  جی  لیا  میں  نے
تجھے اپنا نہیں سکتا مگر  اِتنا  بھی کیا  کم  ہے     کہ کچھ مدت حسین خوابوں میں رہ کر جی لیا میں نے
بس  اب   تو  دامنِ دِل چھوڑ  دو  بیکار  اُمیدو     بہت  دُکھ  سہہ  لئے  میں نے بہت دِن جی لیا میں نے

اِک  دَرد  بھری  چیخ  ہوں  نا کام دعا ہوں     اُجڑے  ہوئے  ماضی  کی  پریشان  صدا  ہوں
گیتوں  میں  سمویا  ہے  لہو  اپنے  جگر  کا     نغموں  کے  بہانے  یہ  لہوں  تھوک  رہا  ہوں

میں شرابی ہوں مجھے پیار ہے آخر کیوں ہے   لوگ کہتے ہیں مجھے پیار ہے آخر کیوں ہے

فریاد  میری  سُن  کے  یہ  کہتے  ہیں  کئی  لوگ     اَرے  حالات  کی  دیوار گرا  کیوں  نہیں  دیتے
کُچھ  اور  بھی ظالم  ہیں   جو   کہتے  ساجدؔ     اَرے وہ دشمناں جان ہے تو بھلا کیوں نہیں دیتے
میں  تو   آوارہ   ہوں   دِیوانہ  ہوں   سودائی   ہوں
چلتی    پھرتی    ہوئی    رُسوائی   ہی   رُسوائی  ہوں
ہائے   سانس  لینا  مجھے  دُشوار  ہے  آخر  کیوں   ہے
میں  شرابی   ہوں  مجھے   پیار   ہے  تو  کیوں   ہے

حُسن کے کھلتے پھول ہمیشہ بے دردوں کے ہاتھ بِکے    اور چاہت کے متوالوں کو دُھول ملی ویرانوں کی
دِل  کے  نازک  جذبوں پر رَاج ہے سونے چاندی کا     یہ دُنیا کیا قیمت دِے گی سادہ دل  اِنسانوں کی
خود کشی کے لیے ہر روز زہر پیتا ہوں
غمِ عاشقی کے  مارے  رہے  عام  تک نہ پہنچے    کبھی صبح تک نہ آئے کبھی شام تک پہنچے
میں نظر سے پی رہا تھا کہ یہ دل نے بددعا دی    تیرا ہاتھ زندگی بھر کبھی  جام تک نہ پہنچے
خود  کشی  کے  لیے  ہر   روز   زہر  پیتا ہوں
سب کی  سن  لیتا ہوں دُکھ سہتا ہوں اور جیتا
ہائے موت بھی مجھ سے شرمشار ہے آخر کیوں ہے
میں    شرابی   ہوں مجھے پیار ہے تو کیوں ہے

ہم کو معلوم ہے کیا دَست ہِنائی دِے گی     قرب  بوئیں گے تو وہ فصلِ جدائی دِے گا
آنکھ  نیلم  کی بدن کانچ کا دِل پتھر  کا     اپنے شاہکار کو کون  اِتنی  صفائی  دِے گا
میں ہوں مجبور تمھیں کہتا ہوں کہ مجبور نہ ہو
مت   قریب    آؤ    شرابی    سے  ذرا  دُور رہو
زندگی    میری    گناہ  گار  ہے  آخر  کیوں  ہے
میں  شرابی   ہوں مجھے  پیار  ہے تو  کیوں  ہے

خود تشنا ہوں لوگوں کی میں کیا پیاس بجھاؤں     غیروں کو  یہ حالت تو دَکھائی  نہیں جاتی
اک  بار بجھایا  تھا  جیسے   تیرے  لبوں  سے     اَب مہہ سے بھی وہ پیاس بجھائی نہیں جاتی
کِس    قدر   دَرد   میں   ڈوبی   ہے   کہانی   میں
مسکراہٹ    کو     ترستی     ہے    جوانی   میری
جو  بھی  اَپنا  ہے  وہ  بے  زار  ہے  آخر  کیوں  ہے
میں  شرابی   ہوں  مجھے   پیار   ہے  تو  کیوں  ہے